Цаг уурын мэдээ > Хөдөө аж ахуйн цаг уурын тойм
2024 оны 7-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм
2024 оны 7-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм
10 хоногийн тойм бичвэр: Говь-Алтай аймгийн нутгаар 2024 оны 7-р сарын гуравдугаар арав хоногийн байдлаар агаарын дундаж температур Алтайн өвөр говиор 25.9-27.8 градус дулаан, бусад сумдад 17.5-25.4 градус дулаан байлаа. Агаарын хамгийн их температур Тоорой, Шаргад 38, Халиун, Бигэрт 35, Алтайд 34, Даривт 33, Хөхморьт, Төгрөг, Тайшир, Жаргаланд 32, Дэлгэрт 31, Гуулинд 30 градус дулаан, бусад сумдад 26-29 градус дулаан байлаа.
Агаарын хамгийн бага температур Чандманьд 6, Тонхил, Эрдэнэд 8, Есөнбулаг, Цогт, Цээлд 9, Дарив, Дэлгэрт 10 градус дулаан, бусад сумдад 11-18 градус дулаан байлаа.
Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 32-37 градус дулаан, бусад нутгаар 22-31 градус дулаан байлаа. Хөрсний гадаргын хамгийн их температур Тоорой, Халиунд 66, Алтай, Дарив, Жаргаланд 65, Баян-Уул, Дэлгэрт 64, Бигэр, Гуулинд 62, бусад сумдад 50-61 градус дулаан байлаа.
Хөрсний гадаргын хамгийн бага температур Тонхилд 2, Чандмань, Эрдэнэд 5, Цогт, Есөнбулагт 6, бусад сумдад 7-17 градус дулаан байлаа.
Хур тунадасны хувьд ихэнх нутгийг хамарсан ба Тонхилд 24.4 мм, Жаргаланд 10.6 мм, Есөнбулагт 9.5 мм, Шаргад 8.0 мм, Төгрөгт 7.7 мм, Даривт 5.3 мм, Чандманьд 5.0 мм, Гуулин 4.2 мм, Дэлгэрт 4.1 мм, Эрдэнэ 3.8 мм, Баян-Уулд 3.8 мм, Тайширт 2.8 мм, Цээлд 0.6 мм, Алтай 0.2 мм, Халиунд 0.1 мм, Хөхморьт, Бигэр , Бугатад 0.0 мм, хур тунадас орсон байна. Харин Тоорой, Цогтод хур тунадас ороогүй байна.
Салхины хамгийн их хурд Хөхморьтод 24 м/с, Цогт, Бугатад 22 м/с, Алтай 20 м/с, Тоорой 19 м/с, Цээлд 18 м/с, Тонхил , Есөнбулагт 17 м/с, Эрдэнэ , Шарга 16 м/с, Дэлгэрт 14 м/с, Бигэр, Даривт , Жаргаланд , Тайшир , Төгрөг, Чандманьд 12 м/с, хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.
Малын усан хангамж: Малын усан хангамж сайн.
Малын тарга хүч: Малын тарга хүч дунд зэрэг байна.
Малын хорогдол: Малын хорогдлын мэдээгээр мал хорогдсон гэсэн мэдээ багийн дарга нараас ирээгүй байна.
Ургамлын мэдээ: Говь-Алтай аймгийн нийт нутгаар бэлчээрийн ургамлын ажиглалтын талбайд ургамал залаалалтын үе шат жигдэрч, ихэнх нутгаар цэцэглэлт ажиглагдаж байна.
Ургамлын ургалтын байдал: Говь-Алтай аймгийн бэлчээрийн ургамлын ургалтын байдал 2024 оны 7 дугаар сарын 31-ний байдлаар нийт нутгийн 57.9 хувьд буюу Есөнбулаг, Баян-Уул, Хөхморьт, Гуулин, Дэлгэр, Жаргалан, Төгрөг, Цогт, Эрдэнэ, Чандмань, Шарга сумдын нутгаар хэвийн буюу сайн, 42.1 хувьд буюу Алтай, Бугат, Тонхил, Тоорой тосгон, Бигэр, Дарив, Тайшир, Халиун, Цээл сумдад дунд, 0.0 хувь буюу муу үнэлгээтэй гарсан газар байхгүй байна.
Хянасан: Цаг уурын хэлтсийн дарга / Т.Дэлгэрмаа /
Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ / М.Гүнбилэг /